मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

देउवाविरुद्ध दबाब बढाउन कोइराला पक्षको बैठक जारी




१० असोज, काठमाडौं । नेपाली कांग्रेसको शेखर कोइराला समूहका शीर्ष नेता बाहेकको बैठक ठमेलमा बसिरहेको छ । सोमबार विहान ठमेलको होटल यात्रीमा पूर्व सांसद जगदीश्वरनरसिंह केसीको समन्वयमा कोइराला पक्षको बैठक चलिरहेको हो । संस्थापन पक्षले समानुपातिक बन्दसूचीमा आफ्नो पक्षलाई बेवास्ताको भन्दै सच्याउन कोइराला पक्षको माग छ । आगामी १६ गतेभित्र बन्दसूची नसच्याए विद्रोह गर्ने कोइराला पक्षको चेतावनी छ । पार्टी नेतृत्वले आफ्नो माग सम्बोधन नगरे गठबन्धनलाई असहयोग गर्ने कोइराला पक्षको भनाइ छ ।

समानुपातिक सूची बनाउँदा अगाडिको नाम पछाडि सार्ने, गुटसमेत नहेरी आफ्ना पकेटका मान्छेको नाम राखेर कांग्रेसमा लगानी गरेका कार्यकर्ताको नाम हटाउने काम भएको कोइराला पक्षको आरोप छ । नेतृत्वबाट आगामी निर्वाचनमा न्यायोचित व्यवहार नगरिए अनशन, धर्ना र निर्वाचन बहिष्कारसम्मका वैकल्पिक संघर्षको योजना बनाउने कोइराला पक्षले बताउँदै आएको छ ।

आफूहरुले ४० प्रतिशत टिकट नपाए देउवा पक्ष एक्लै चुनाव लड्न नेताहरुको चेतावनी दिएका छन् । बैठकमा केन्द्रीय सदस्यहरु प्रतिमा गौतम, मधु आचार्य, अजयबाबु शिवाकोटी, प्रकाश स्नेही सहभागी छन् । यस्तै नेताहरु गुरु घिमिरे,भुपेन्द्रजंग शाही, चितवनका पूर्व जिल्ला सभापति जितनारायण श्रेष्ठ, धादिङ जिल्ला सभापति रामनाथ अधिकारी , बाग्मती प्रदेश कार्यसमितिका पदाधिकारी लगायत सहभागी छन् ।

प्रकाशित मिति : १० आश्विन २०७९, सोमबार  ११ : ५० बजे