मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

ब्ल्याकमेल गरेपछि शिक्षकको हत्या, २२ वर्षीया युवती पक्राउ



१० असोज ,काठमान्डौँ । ओखलढुङ्गाको चिशंखुगढी–४ मा हत्या गरिएका शिक्षक दीपक कुमार ठाकुरको हत्या आरोपी पक्राउ परेकी छिन् । पक्राउ पर्नेमा ओखलढुङ्गाको सिद्धिचरण नगरपालिका–८ सल्लेरीकी २२ वर्षीया छलमाया धमला रहेकी छन् । जिल्ला प्रहरी कार्यालय ओखलढुङ्का डिएसपी सुकदेव खनालका अनुसार ठाकुरसँग प्रेम सम्बन्धमा रहेकी धमलाले असोज ६ गते राति ठाकुरको हत्या फरार रहेको अवस्थामा उनलाई पक्राउ गरिएको हो ।

विष्णुपुर गाउँपालिका–५, सप्तरी स्थायी घर भएका भएका शिक्षक ठाकुर लामो समयदेखि ओखलढुङ्गामा शिक्षण पेसामा कार्यरत थिए । हाल चिशंखुगढी गाउँपालिका ४ मा रहेको कालिका आधारभूत विद्यालयमा अध्यापन गर्दै आएका शिक्षक ठाकुर सोही स्थानमा भै कुमार राईको घरमा डेरामा बस्ने गरेका थिए । असोज ७ गते बिहान शिक्षक आफ्नै कोठामा मृत अवस्थामा फेला परेको जानकारी स्थानीयले प्रहरीलाई दिएपछि प्रहरी चौकी शेर्नाबाट प्रहरी पुगी घटनास्थलको सुरक्षा गरेका थिए । पछि जिल्ला प्रहरी कार्यालय ओखलढुङ्गाबाट डीएसपी शुकदेव खनालको कमाण्डमा प्रहरी टोली घटनास्थलमा अनुसन्धानका लागि पुगेको थियो । मृतकको टाउको तथा शरीरको अन्य भागमा समेत कुटपिट गरी घाइते बनाई नाक, मुख र घाँटीमा गम्छाले बाँधी मुखमा सिरानीले थिची हत्या गरेको अवस्थामा शव भेटिएको डीएसपी खनालले बताए । घटना सम्बन्धमा वारदातमा संलग्न शङ्कित व्यक्तिको पहिचान तथा खोजतलास गर्ने क्रममा मानवीय तथा प्राविधिक विश्लेषण गरी सूक्ष्म रूपमा अनुसन्धान गर्दा घटनामा छलमायाको संलग्नता हुनसक्ने आशंका गरी पक्राउ गर्दा शङ्कितले आफ्नो अपराध प्रहरीसमक्ष कबुल गरेको प्रहरीले जनाएको छ ।

प्रहरीका अनुसार मृतक ठाकुरले टर्चर दिएको कारण युवतीले ठाकुरको हत्या गरेको प्रारम्भिक अनुसन्धानबाट खुलेको छ । आरोपित धमला पहिले ठाकुरकै विद्यार्थी रहेको र हत्याअघि उनीहरू प्रेम सम्बन्धमा रहेको पाइएको प्रहरीले जनाएको छ । ठाकुर पहिले नै विवाहित रहेको छलमायासँग विवाह गर्न पनि नमानेको र छलमायाले अन्यत्र विवाह गर्न खोज्दा नाङ्गो फोटो र भिडियो भाइरल गरिदिने धम्की दिएको पक्राउ परेकी धमलाले प्रहरीलाई बताएकी छिन् । आफू विवाह पनि नगर्ने र अन्यत्र विवाह गर्न पनि नदिने तथा बारम्बार धम्की दिने गरेपछि आफूले ठाकुरको हत्या गरेको आरोपितले प्रहरीसमक्ष स्वीकार गरेकी छिन् । हत्यामा धमलाले आफ्नो मात्रै संलग्नता रहेको प्रहरीलाई बताएकी छिन् । यद्यपि हत्यामा अन्य कुनै व्यक्तिको पनि संलग्नता छ कि भन्ने सम्बन्धमा अनुसन्धान भइरहेको प्रहरीले जनाएको छ । जिल्ला अदालत ओखलढुङ्गाबाट आइतबार १२ दिनको म्याद लिएर अनुसन्धान गरिरहेको प्रहरीले जनाएको छ ।

प्रकाशित मिति : १० आश्विन २०७९, सोमबार  १२ : ०९ बजे