मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

समुद्री आँधीले क्युबामा ब्ल्याक आउट




काठमाडौं ।
समुद्री आँधी इयानका कारण क्युबा देश पुरै विद्युत्विहीन बनेको त्यहाँको सरकारले जानकारी दिएको छ । मुख्य पावर प्लान्टलाई पुनः सुचारु गर्न नसकेपछि विद्युतीय व्यवस्था नै ध्वस्त बनेको अधिकारीहरूले बताएका छन् ।

त्यहाँको विद्युत् प्राधिकरणका प्रमुखले करिब १.१ करोड जनसङ्ख्या अन्धकारमा रहेको जानकारी दिएका छन् । स्थानीय पत्रकारले एन्टानियो गुटेरेस थर्मो इलेक्ट्रिक पावर प्लान्टलाई पनि सुचारु गर्न नसकिएको जानकारी दिए ।

आँधीबाट कम्तीमा दुई जनाको मृत्यु भएको छ भने धेरै संरचनाहरुमा क्षतिमा पुगेको छ । १९५ किलोमिटर प्रतिघण्टाको गतिमा आएको सो आँधी यतिबेला अमेरिकाको फ्लोरिडा राज्यतर्फ अघि बढिरहेको छ ।

प्रकाशित मिति : १२ आश्विन २०७९, बुधबार  १ : ३० बजे