मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

सत्ता गठबन्धन संविधानको रक्षा गर्नका लागि बनेको हो: उपसभापति खड्का




३१ असोज, काठमाडौं । नेपाली कांग्रेसका उपसभापति पूर्णबहादुर खड्काले सत्ता गठबन्धन संविधानको रक्षा गर्नका लागि बनेको बनाएका छन्। संविधान माथि प्रहार भइरहेको संविधानको रक्षा, स्थिरता र नविन अभियानलाई स्थापित गर्न गठबन्धनको विजय आवश्यक रहेको बताएका हुन्।

खड्काले छोटो समयमा भएपनि गठबन्धनको सरकारले नवीनतम कार्य भएको बताए । सुर्खेत विमानस्थलमा पत्रकारसँग कुरा गर्दै उनले भने– ‘हामी निर्वाचनको महाअभियानमा प्रवेश गरिसकेका छौँ। अधुरो शान्ति प्रक्रियालाई पूर्णता दिनका लागि पनि गठबन्धनले जित्नुपर्ने छ।’

खड्काले अहिलेसम्म आफु राष्ट्रिय राजनीतिमा समन्वयकारी भूमिका निर्वाह गरिरहेको बताए । अब तपाईं प्रधानमन्त्रीको दाबेदार हो ? भन्ने पत्रकारको प्रश्नमा उनले भने‌– ‘सुर्खेत र कर्णाली प्रदेश राष्ट्रिय राजनीतिक कत्ति प्रभाव राख्न सफल भएको छौँ भन्ने कुरालाई जनताले बुझेकै छन् । मैले केही वर्षअघि नै मन्त्री नबन्ने घोषणा गरेको थिएँ । त्यसलाई कार्यान्वयन गरिरहेको छु, त्यसैले कर्णालीबाट राष्ट्रिय राजनीतिमा हस्तक्षेपकारी भूमिका निर्वाह गरिरहेको छौँ । अब चुनावपछि नै के भूमिका निर्वाह गर्ने भन्ने कुरा निर्धारण गर्ला ।’

खड्काले विगतमा निर्वाचित जनप्रतिनिधिले अघि बढाएका अभियानलाई पूर्णता दिने कुरा सुर्खेतको हकमा पहिलो प्राथमिक रहने समेत बताए । सुर्खेत निर्वाचन क्षेत्र नम्बर १ बाट प्रतिनिधिसभा सदस्य पदका उम्मेदवार समेत रहेका खड्का चुनावी अभियानको लागि गृह जिल्ला आइपुगेका हुन् ।

प्रकाशित मिति : ३१ आश्विन २०७९, सोमबार  ११ : ४० बजे