मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

वैदेशिक व्यापारको ३ महिनाः नेपालले ४ खर्ब बराबरको सामान किन्यो, ४१ अर्बको बेच्यो




१३ कात्तिक, काठमाडौं ।
चालू आर्थिक वर्षको ३ महिनाको अवधिमा नेपालले ४ खर्ब ९९ करोड ८३ लाख रुपैयाँको आयात गरेको छ । साउनदेखि असोज महिनासम्मको भन्सार विभागको तथ्यांकअनुसार नेपालले विदेशबाट उक्त मूल्यको वस्तु आयात गरेको हो । तर, यो गत आर्थिक वर्षको सोही अवधिको तुलनामा १६ प्रतिशतले न्यून हो । गत आर्थिक वर्ष २०७८र७९ को ३ महिनाको अवधिमा नेपालले विदेशबाट ४ खर्ब ७८ अर्ब ५२ करोड रुपैयाँ बराबरको आयात गरेको थियो ।

यसैगरी, नेपालले यस अवधिमा जम्मा ४१ अर्ब रुपैयाँको निर्यात गरेको छ । गत आर्थिक वर्षको यही अवधिमा नेपालबाट ६५ अर्ब रुपैयाँ बराबरका निर्यात भएकामा यसवर्ष ३५ प्रतिशतले आयात घटेको हो । नेपालको आयात र निर्यात नै घटे पनि तथ्यांकअनुसार व्यापार घाटा समेत खुम्चिएको छ । गत वर्षको यही अवधिको तुलनामा यसपटक कूल व्यापार घाटा १३.१३ प्रतिशतले खुम्चिएको हो । खासगरी, नेपाल सरकारले केही वस्तुको आयातमा लगाएको आयात प्रतिबन्धका कारण विदेशबाट हुने आयात खुम्चिएको छ ।

जसले नेपालको समग्र व्यापार घाटा नै खुम्चिएको हो । यस अवधिमा नेपालले वैदेशिक व्यापारमा ३ खर्ब ५९ अर्ब १७ करोड रुपैयाँको व्यापार घाटा ब्यहोरेको छ । गत वर्षको यही अवधिमा यस्तो घाटा ४ खर्ब १३ अर्ब ४७ करोड रुपैयाँ थियो ।

प्रकाशित मिति : १३ कार्तिक २०७९, आइतबार  ३ : ५० बजे