मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

डा.लोहनीको प्रश्नः संविधान उल्लंघन गर्नु अग्रगमन हो ?



२५ कात्तिक,काठमान्डौँ । राप्रपाका नेता डा.प्रकाशचन्द्र लोहनीले नेपाली जनताले ठूला राजनीतिक पार्टीलाई गरेको विश्वासको दुरुपयोग भइरहेको बताएका छन् ।

शुक्रबार काठमाडौंमा आयोजित चुनावी सभालाई सम्बोधन गर्दै नेता लोहनीले जनताको मत लिएर भागबन्डा, संविधान विघटनमा ठूला दल रमाएको बताए । ‘संविधान उल्लंघन गर्नु अग्रगमन हो ? विचार गर्ने बेला आएको छ ।

यहाँसम्म कि अहिले त राजदूतको पद पनि बिक्री भएको छ, करोडमा’, उनले आफुहरुले यसो भन्दा प्रतिगमनको बिल्ला भिराउने गरिएकोमा आपत्ति समेत जनाए । उनले अहिले ‘लथालिङ्ग देशको भताभुङ्ग चाला जुन पार्टीले सक्ला त्यही पार्टीले खाला’ भन्ने भएको भन्दै नव सामन्तवादका प्रेतात्माहरूले ‘कुत’ खाएर बसिरहेको आरोप लगाए । उनले यस्तै अवस्था रहे देशमा अशान्ति र अराजकता हुँदै युक्रेनको बाटोमा जाने र शासकहरुले सोही दिशामा लगिरहेको बताए ।

प्रकाशित मिति : २५ कार्तिक २०७९, शुक्रबार  ५ : ०७ बजे