मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

चर्चित पञ्जाबी नायिका दलजीत कौरको निधन, १ वर्षदेखि कोमामा थिइन्



२ मंसिर , काठमान्डौँ । पञ्जाब फिल्म उद्योगकी दिग्गज अभिनेत्री दलजीत कौरको निधन भएको छ । ६९ वर्षको उमेरमा दलजीतको निधन भएको हो । थुप्रै हिट फिल्म दिने दलजीतको पञ्जाब सिनेमामा महत्वपूर्ण योगदान छ । उनको निधन बिहिबार १७ नोभेम्बरमा लुधियानामा उनको कजन भाइको घरमा भएको हो । नायिकाका कजन हरिन्दर सिंह खंगुराका अनुसार ६९ वर्षकी दलजीत पछिल्लो तीन वर्षदेखि ब्रेन ट्युमरसँग लडिरहेकी थिइन् । पछिल्लो एक वर्षदेखि दिलजीत डिप कोमामा थिइन् । नायिकाको शुक्रबार अन्तिम संस्कार गरिनेछ ।

दलजीतले ‘गडबड हे, पटोला, सइदा जोगन, सरपंच, सैदा जोगन, की बनू दुनिया दा, पुत जट्टां दे’ लगायतका चर्चित फिल्ममा काम गरेकी छिन् । दलजीतले दिल्लीको लेडी श्रीराम कलेजबाट ग्रेजुएशन गरेकी थिइन् । उनले आफ्नो फिल्मी करियर सन् १९७६ मा फिल्म दाजबाट सुरु गरेकी थिइन् ।

थुप्रै पञ्जाबी फिल्ममा दलजीतले फिमेल लिड रोल प्ले गरेकी थिइन् । दलजीतले आफ्ना श्रीमान् हरमिन्दर सिंह देओलको सडक दुर्घटनापछि फिल्मबाट ब्रेक लिएकी थिइन् । सन् २००१ मा दलजीत पुनः फिल्मी दुनियाँमा आएकी थिइन् । आफ्नो फिल्मी करियरमा दलजीतले १० हिन्दी र ७० पञ्जाबी फिल्ममा काम गरेकी थिइन् । उनलाई पञ्जाबी सिनेमाको हेमा मालिनी भनिन्थ्यो ।

प्रकाशित मिति : २ मंसिर २०७९, शुक्रबार  ३ : ५३ बजे