मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

उदयपुर-१ को मतगणना अझै सुरु भएन, मुख्य निर्वाचन अधिकृत निर्वाचन आयोगको निर्देशन कुर्दै



१२ मंसिर, काठमान्डौँ । उदयपुर क्षेत्र नम्बर १ को मतगणना आज दिउँसो १ बजेसम्मका लागि स्थगित गरिएको मुख्य निर्वाचन अधिकृतको कार्यालयले जनाएको छ । यो क्षेत्रको मत गणना आइतबार बिहान साढे १० बजेदेखि नै रोकिएको छ । प्रतिनिधिसभाको मतगणनाको क्रममा एक सयभन्दा बढी मतपत्र प्रदेशसभाको फेला परेपछि सुरु भएको विवादका कारण गणना रोकिएको हो । नेकपा एमालेले पुनः मतदानको र नेपाली कांग्रेसले तत्काल मतगणनाको माग राखेका छन् ।

के गर्ने भनेर मुख्य निर्वाचन अधिकृतको कार्यालयले निर्वाचन आयोगमा पत्राचार गरेको छ । निर्वाचन आयोगबाट त्यसको जवाफ नआएकाले आज दिउँसो १ बजेसम्म मतगणना स्थगित गरिएको मुख्य निर्वाचन अधिकृत कृष्ण प्रसाद सुवेदीले जानकारी दिए ।

उदयपुर क्षेत्र नं. १ मा सत्ता गठबन्धनको तर्फबाट नेपाली कांग्रेसका डा. नारायण खड्का र नेकपा एमालेबाट मन्जुकुमारी चौधरी प्रतिस्पर्धामा छन् । मतगणना रोकिनु अगाडिसम्म खड्काले अग्रता लिएका छन् । उदयपुर क्षेत्र नं. २ बाट भने नेकपा एमालेका अम्बरबहादुर रायमाझी निर्वाचित भइसकेका छन् ।

प्रकाशित मिति : १२ मंसिर २०७९, सोमबार  १ : ४५ बजे