मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

लागु औषधसहित ५ जना पक्राउ



 

२३ मंसिर , काठमान्डौँ । मकवानपुरको मनहरी र सर्लाहीको कबिलासी गाउँपालिकाबाट प्रहरीले लागु औषधसहित ५ जनालाई पक्राउ गरेको छ । मकवानपुरको मनहरी गाउँपालिका–७ स्थित पर्सा राष्ट्रिय निकुञ्ज क्षेत्रबाट पक्राउ पर्नेमा सोही गाउँपालिका–७ बस्ने ३५ वर्षीय हरिकृष्ण अधिकारीसहित दुईजना छन् ।

आरोपीहरुको साथबाट गाँजाको धुलो ३८ केजी बरामद गरिएको जिल्ला प्रहरी कार्यालय मकवानपुरले जनाएको छ । सर्लाहीबाट कबिलासी नगरपालिका–१० सलेमपुर बस्ने ४५ वर्षीय शिवनारायण रायसहित ३ जना पक्राउ परेका छन् ।

उनीहरूको साथबाट गाँजा ३ सय ग्राम बरामद गरिएको जिल्ला प्रहरी कार्यालय सर्लाहीले जनाएको छ । रायले आफ्नै भैसी फर्ममा गाँजा बिक्री गरिरहेको सुराक पाएपछि प्रहरी चौकी कबिलासीबाट खटिएको प्रहरीले उनीहरूलाई पक्राउ गरेको हो । आरोपीहरुबारे प्रहरीले अनुसन्धान गरिरहेको छ ।

प्रकाशित मिति : २३ मंसिर २०७९, शुक्रबार  २ : ५३ बजे