मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

‘तिम्रो मेरो साथ’ सेन्सर पास



 

 

काठमाडौँ । आगामी शुक्रवारदेखि प्रदर्शनमा आउने फिल्म ‘तिम्रो मेरो साथ’ सेन्सर पास भएको छ । सोमबार चलचित्र सेन्सर बोर्डले फिल्मलाई युनिभर्सल सर्टिफिकेट दिँदै प्रदर्शनका लागि खुल्ला गरेको हो । युनिभर्सल सर्टिफिकेट पाएसँगै फिल्म सबै वर्गका दर्शकले हेर्न पाउनेछन् ।

फिल्म रमेश एमके पौडेलले निर्देशन गरेका हुन् । फिल्म सेन्सरले बिना काटछाट पास गरेको निर्देशक पौडेलले बताए । फिल्ममा पुष्प खड्का, साम्राज्ञी राज्यलक्ष्मी शाह, इमिली लामा, सन्दीप क्षेत्री, सरोज खनाल, खड्का बहादुर पुन, दिपिशा केसी लगायतका कलाकारको अभिनय देख्न सकिन्छ ।

सबिर श्रेष्ठको लेखन तथा कार्यकारी निर्माण रहेको यो फिल्ममा पासाङ लामा, अर्नव पौडेल र आर्यन पौडेलको लगानी रहेको छ । फिल्ममा शिव ढकालको छायांकन, सुवास भुसाल र योगेश काजीको संगीत, रामजी लामिछानेको कोरियोग्राफी र भूपेन्द्र अधिकारीको सम्पादन रहेको छ ।

प्रकाशित मिति : २६ पुस २०७९, मंगलबार  २ : २७ बजे