मौसम अपडेट

नेपाली पात्रो

विदेशी विनिमय दर अपडेट

राशिफल अपडेट

सुन चाँदी दर अपडेट

Title

के ‘एक्स नाइन’ बाट अनमोलले झिकेका हुन् हात ?



 

काठमाडौंँ । अभिनेता अनमोल केसीले फिल्म ‘एक्स नाइनः लेभल वान’ अभिनय नगर्ने भएका छन् । समयमा फिल्म छायांकन नभएपछि उनले फिल्म नगर्ने निर्णय गरेको हो । फिल्मका लागि अनमोलले एक वर्षको समय दिँदै शरीर समेत मेन्टेन गरेका थिए । तर अहिलेसम्म पनि फिल्म छायांकन नभको कारण उनले साइनिङ रकम समेत फिर्ता गरेर फिल्म नगर्ने निर्णय गरेको बताइन्छ ।

फिल्मका निर्देशक मुकुन्द भट्ट हुन् । भट्टले फिल्म निर्माणको तयारी गरेको निकै लामो समय भयो । केही पहिले फिल्म पुसबाट छायाँकन गर्ने बताइएको थियो । तर पुसमा पनि फिल्म छायांकन हुन सकेन । फिल्ममा अनमोलको अलवा सौगात मल्ल, पुष्प खड्का, निश्चल बस्नेत, राज कटुवाल लगायतका कलाकार समेत अनुबन्धित भएका छन् ।

फिल्मको मुख्य अभिनेत्रीमा मोडल नीति शाह पनि छानिएकी थिइन् । अनमोलसँग फिल्म खेल्ने चाँहनाले उनले यो फिल्म साइन गरेकी हुन् । अनमोलले हात झिकेपछि फिल्ममा अनमोलसँग देखिने नीतिको सपना समेत टुटेको छ । गोल्डेन हिल्स पिक्चरको प्रस्तुतिमा निर्माण हुन लागेको फिल्म क्यानडा, युरोप र नेपालमा हुने समेत बताइएको थियो । ठूलै हल्लाका साथ निर्माण हुने भनिएको यो फिल्मबाट अनमोलले हात झिकेको बिषयमा निर्माण युनिटले भने आधिकारीक धारणा बाहिर ल्याउन बाँकी छ ।

प्रकाशित मिति : ६ माघ २०७९, शुक्रबार  १ : १७ बजे